Wikipedia hittingur

Wikipedians er alþjóðlegur nördaklúbbur netverja sem vinna að því að skrifa saman alfræðirit á Netinu. Þessi klúbbur teygir anga sína til Íslands því hér vinna margir að því að skrifa íslenska Wikipedia útgáfu, hver sem er getur skrifað inn efni. Ég fór á fyrsta alþjóðlega mótið hjá Wikipediu, það var Wikimania 2005 í Frankfurt en næsta mót verður Wikimania 2006 í Boston.

Íslenskir "Wikipedians" hittast líka stundum og ég fór á Wikipedia hitting á Kaffi Viktor í gærkvöldi. Það voru sex mættir, það voru Jóna Þórunn, Smári, Ævar, Guðmundur, Salvör og Heiða María.

Hér eru tvær myndir frá fundinum.




Guðmundur, Heiða María, Ævar, Salvör, Jóna Þórunn, Smári

Þetta var skemmtilegur og vel heppnaður fundur og það má ekki vanmeta hvað mikilvægt er að hittast og spjalla óformlega saman þó unnið sé að verkefni þar sem hver sem er getur unnið í án þess að tala sérstaklega við hina. Það er ágætis handbók með Wikipedia. Umræður í íslensku wikipedia fara fram í Pottinum eða á spjallsíðum sem tengjar eru við allar síður í Wikipedia.

Vi danskere og vores national identitet


Vi danskere er vældig kede av situationen, det brenner jo in mange land. Karikaturerne er typisk dansk humor, som vi danskere er vant til og derfor let kan fordøje. Jeg som dansker er overrasket over disse reaktioner, måske burde vi vise mer respekt for andre kulturer og passe på ad vi ikke krænker deres værdier.

Vi ved jo ad det er vigtigt for muslimer ad profeten Muhammed ikke billedliggjøres og ennu mer vigtigt er ad profeten ikke hånes eller vanhelliges. Muslimer er ikke terrorister og islam er ikke hærværk og vold.

Det er mærkeligt ad nu når jeg er blevet dansker ud av solitaritet med danskere så tar nordmend i nød op et andet national identitet, de blir islændinger.

Við erum öll Danir núna... nú eða breskir námsmenn í ögrandi fötum

We are all Danes now í Boston Globe eftir Jeff Jacoby er um þá árás sem nú hefur verið gerð á tjáningarfrelsi og brýning um að hrinda henni. Jeff dregur fyrst upp mynd af því hvernig væri ef hindúar brygðust harkalega við útsölu á nauta- og kálfakjöti í Danmörku vegna þess að það er forboðinn matur í hindúatrú þar sem kýr eru taldar heilagar verur. Hann segir að hinn íslamski heimurinn geti ekki skipað hinum frjálslynda hugmyndaheimi Vesturlanda fyrir um hvað við megum grilla og hvað sé bannfært, við lifum í heimi þar sem eru gildi sem þekkjast ekki í sumum múslimalöndum, við lifum í heimi þar sem fjölmiðlar hafa tjáningarfrelsi, þar sem er opið markaðstorg hugmynda og þar sem fólk hefur rétt til að grilla heilagar kýr á teinum. Jeff Jacoby bendir á alvöru málsins og hve mikilvægt sé að standa fast á tjáningarfrelsinu þó það sé um skrípamyndir sem eru ekki einu sinni fyndnar þó þær séu móðgandi og ögrandi. Hann segir það sama og mér finnst, þetta er alvarleg árás á tjáningarfrelsi Vesturlanda og þessi ógn mun ekki fara í burtu. Hann varar við að núna snúist þetta um ófyndnar skrípamyndir en á morgun geti krafan verið að kæfa niður orð og hugmyndir okkar.

Hér er brot úr greininni We are all Danes now:
...
"That anything so mild could trigger a reaction so crazed -- riots, death threats, kidnappings, flag-burnings -- speaks volumes about the chasm that separates the values of the civilized world from those in too much of the Islamic world. Freedom of the press, the marketplace of ideas, the right to skewer sacred cows: Militant Islam knows none of this. And if the jihadis get their way, it will be swept aside everywhere by the censorship and intolerance of sharia.
.......
Make no mistake: This story is not going away, and neither is the Islamofascist threat. The freedom of speech we take for granted is under attack, and it will vanish if it is not bravely defended. Today the censors may be coming for some unfunny Mohammed cartoons, but tomorrow it is your words and ideas they will silence. Like it or not, we are all Danes now"

Áðan hlustaði ég meira á netupptökur fjölmiðla um þetta skrípamyndamálið. Það stuðar mig enn og aftur hvað ónákvæmur fréttaflutningurinn er - já og svo litaður af því að gæta hlutleysis að það snýst upp í andhverfu sína. Ég hlustaði á upptöku af menningarþættinum Spegilinn á Rúv frá því í gær. Þar var orðrétt eftirfarandi frásögn frá útifund í London þar sem múslimar mótmæltu skrípamyndunum: "Rúmlega tvítugur námsmaður sótti útifund klæddur eins og sjálfsvígssprengjumaður. Hann var ekki handtekinn og sagði í viðtali við breska blaðið Sun í gær að klæðnaðurinn kynni að hafa verið ögrandi en það er ekki ólöglegt í þessu landi bætti hann við". Hér er hljóðupptaka af þessu.

Ég geri ráð fyrir að aðstandendur Spegilsins hafi ekki haft betri upplýsingar, hafi ekki vitað að þetta var dópsali sem selur kókaín og heróín og er einmitt núna að afplána fangelsisdóm út af glæpum sínum. En vonandi leiðrétta þeir á Speglinum í dag frásögn sína af "námsmanninum" unga og lögvísa sem hafði svo gaman af því að ganga ögrandi klæddur á almannafæri. Hér eru tvær greinar sem segja hvaða maður þessi "námsmaður" var, þessi svokallaði námsmaður heitir Omar Khayam, er 22 ára frá Bedford, hann er dæmdur fíkniefnasali sem byrjaði að afplán 2002 og var látinn laus á reynslulausn eftir að hafa afplánað helming dómsins. Hann braut skilorðið og hefur verið stungið inn aftur:
Suicide bomb yob nicked
Protester is returned to prison

Við erum öll Danir núna en þeir sem núna ráðast tjáningarfrelsi okkar - tjáningarfrelsi sem er eins heilagt gildi í menningu sumra okkar eins og myndleysi spámannsins í múslimalöndum - þeir eru ekki allir sauðmeinlaus grey, þeir eru ekki allir námsmenn í ögrandi fötum.

Við skulum þekkja úlfinn þegar við sjáum hann en ekki endilega smíða með orðum okkar og hugsunum utan um hann sauðagæru vegna þess að við viljum að hann sé meinlaus. Annar kaflinn af bóksalanum í Kabúl endar á þessum orðum, sviðið er eftir 11. september, eftir að ríki talibana féll:

"Morgun einn stóð hann í búð sinni með glas af sjóðheitu tei og sá að Kabúl hafði vaknað til lífsins. á meðan hann lagði á ráðin um það hvernig hann gæti látið draum sinn rætast hugaði hann um setningu eftir uppáhaldskáld sitt, Ferdusi: "Til þess að lánið leiki við þig þarftu stundum að vera úlfur, stundum lamb."
Nú er mál til komið að vera úlfur, hugsaði Sultan."

Villandi og rangar fréttir á Íslandi og bóksalinn í Kabúl

Ég tók áðan púls á umfjöllun íslenskra fjölmiðla um teiknimyndastríðið. Skoðaði umfjöllun á NFS og Víðsjá RÚV í gærkvöldi. Það stuðar mig hvað fréttamennskan er grunn og beinlínis villandi. Það er gott að fá fréttirnar á íslensku en ég veit samt ekki hvort það er þess virði að hlusta á íslenskar fréttir um erlend málefni. Það er miklu fylltri upplýsingar sem maður fær með að lesa fréttir og fréttaskýringar á wikipedia, BBC, fylgjast með bloggstraum um málið á Technorati og lesa blogg þekktra stjórnmála/blaðamannabloggara.

Svo stuðar það mig óendanlega að í báðum þessum fréttaskotum sem ég horfi á áðan þá voru villandi upplýsingar og framsetningu og hinn hættulegi hálfsannleikur sem sagður er í fréttaskotum sem þurfa að vera krassandi og myndræn, taka aðeins nokkrar sekúndur í spilum og hafa einhvers konar fjölmiðlahlutleysi, þessa sjónhvelfingu um að frásögnin sé hlutlaus.

Í myndbandinu á NFS þá var sögð mikil æsingafrétt með fókusinn á fánabrennandi skríl sem hélt á lofti háðsspjöldum með myndum af danska forsætisráðherranum. Svo voru birtar myndir frá fundi þjóðernissinna í Danmörku og svo fréttamaður talaði undir eins og það væri allt að verða vitlaust í múgæsingu líka í Danmörku og þetta væri sambærilegt. Mér vitanlega var fundur í Danmörku sauðmeinlaus og þjóðernissinnar kveðnir í kútinn. Engar brennur eða skemmdir á eignum fóru fram.

Svo var í Víðsjá viðtal í gær við menningarfræðing sem búsettur er í Danmörku og hún sagði frá þessari miklu reiði múslima í Danmörku og að hópur strangtrúaðra múslima í Danmörku sendi fulltrúar 27 múslimahópa til Arabalanda. Hún sagði hins vegar ekki frá því að það hefur komið í ljós að málflutningur þessara sendinefndar og reyndar tilurð hennar einkenndist af lygum og rangfærslum, sjá greinarnar Labans mange løgne
og Abu Laban lever af hadet og Vennerne er ikke Allahs bedste børn. Ég horfði á föstudagsbænastund á Netinu hjá þessum iman Abu Laban. Þetta er ofstækismaður sem hefur unnið leynt og ljóst gegn dönskum hagsmunum með rangfærslum og lygum og talað tveim tungum. Hann virðist vilja fá sem mesta athygli og skapa sem mesta sundrung. Hann mun ekki hafa ríkisborgararétt í Danmörku og ég skil ekki hvers vegna Danir reka hann ekki úr landi fyrir landráð.

Annars fletti ég aftur upp í bókinni Bóksalinn í Kabúl eftir norska rithöfundinn og blaðamanninn Åsne Seierstad. Það er sönn frásögn af lífi fjölskyldu bóksala sem hún dvaldi hjá í Kabúl. Bóksalinn taldi að bókin yrði hetjusaga um hann sjálfan en þar skjátlaðist honum. Fyrsta eintakið af bókinni barst til Íslands um svipað leyti og Magnús fór til Kabúl og ég lauk við að lesa bókinni einmitt daginn sem hann fór.

Bónorðið
Mig minnti að bókin byrjaði á því að bóksalinn rifi miða af myndum í bókum. Það var misminni. Bókin hefst með kaflanum Bónorðið og lýsir því þegar bóksalinn ákveður að fá sér aðra konu og hann reynir að fá móður sína og systur og föðursystur til að semja um það fyrir sig. Það er afganskur siður að ættingjar skoði stúlku fyrir giftingu, athugi hvort hún sé nógu dugleg og vel upp alin. Allar konurnar í fjölskyldu bóksalans hafna því að aðstoða hann og segja honum frá því að þetta sé smán fyrir konu hans. Bóksalinn heldur fast við ráðagerð sína og talar sínu máli sjálfur, fer til fátækra ættingja og býður verð fyrir dóttur þeirra. Foreldrarnir taka honum vel og eru ánægðir með verðið sem hann greiðir fyrir 16 ára dóttur þeirra sem er ein kýr, nokkrar kindur, 150 kíló af matarólíu og 300 kíló af hrísgrjónum og um peningar, um 35 þúsund íslenskar krónur. Kaflinn lýsir valdaleysi kvenna og vansæld beggja kvenna hans, leiða ungu stúlkunnar sem giftist til að foreldrar hennar fái fé og geti keypt konur fyrir bræður sína og til að hún hækki í þjóðfélagsstiganum og örvæntingu og smán fyrstu konu hans og samlíðan allra kvenna í fjölskyldunni með henni.

Bókabrenna
Það er hins vegar annar kaflinn sem fjallar um bækurnar, kaflinn heitir Bókabrenna og lýsir fyrst hvernig heittrúarlögregla Talíbana kemur í nóvember 1999 í bókabúðina hjá bóksalanum Sultan Khan og leitar að bókum með myndum af lifandi verum, hvort sem það eru menn eða dýr til að kasta á bál. Hér er brot úr bókinni:

En þennan dag höfðu þeir aðeins áhuga á myndum. Þeir litu fram hjá textum trúvillinga þótt þeir væru beint fyrir framan nefið á þeim. Hermennirnir voru ólæsir og gátu ekki gert greinarmun á rétttrúnaðarritum talibana og ritum villutrúarmanna. En þeir þekktu myndir frá bókstöfum og lifandi verur frá dauðum. Lokst var ekkert nema askan eftir, hún fauk í burtu og blandaðist skítnum og rykinu á götum Kabúl og í skólpræsunum. Eftir stóð bóksalinn, sem hafði verið rændur nokkrum af sínum kærustu bókum, í umsjá hermanna talíbana sem hentu honum inn í bíl. Hermennirnir lokuðu versluninni og innsigluðu og Sultan var settur í fangelsi fyrir andmúslimska hegðun.

Í öðrum kaflanum er rakin sagan af hvernig bóksalinn selur þeim sem eru við stjórn hverju sinni bækur og lendir í fangelsi öðru hvoru fyrir það sem stjórnvöldum hvers tíma finnst glæpur, á kommúnistatímanum fyrir kapítalíska hegðun, á talibanatíma fyrir óguðleg rit og hvernig bóksalinn fær smám saman meiri áhuga á afganskri menningu og horfir á hvernig sagan er afmáð af þeim sem eru við völd hverju sinni. Bóksalinn semur sig að aðstæðum, fyrst tússar hann yfir allar myndir sem hann finnur í bókum en svo hugkvæmist honum að líma nafnspjöldin sín yfir myndirnar með von um að geta tekið þau af einhvern tíma seinna.
Svo kom 11. september.

Látið Ali Mohaqiq Nasab lausan!

Margir bloggarar birta skrípamyndirnar og taka sumir eins og Tim Blair því ákaflega illa að fá fyrirmæli frá múslimaklerum um hvað megi segja og birta. Ég hef lesið heilmikið um trúarbrögð og siði Múslima frá því að þetta skrípóstríð byrjaði og berst við eigin viðhorf eða fordóma, ég finn að óbeit mín á trúarofstæki og skrílslátum vex dag frá degi.


mynd frá yahoo news

Ég reyni eins og ég get að beina hugsun minni í þann farveg að alhæfa ekki um hugsunarhátt múslima út frá þeim fréttum sem núna eru birtar í vestrænum fjölmiðlum og hugsa til manna eins og Ali Mohaqiq Nasab sem núna situr í fangelsi í Afganistan fyrir guðlast. Hann var ritstjóri í blaði sem barðist fyrir kvenréttindum og hann leyfði sér að gagnrýna Sharia lögin sem kveða á um að hver sem gengur af trúnni skuli drepinn, lauslæti varði 100 svipuhöggum og þessi lög innsigla líka réttleysi kvenna í heimi múslimskra bókstafstrúarmanna.
Sjá nánar í greinninn Women's Rights Editor Jailed in Afghanistan Faces Increasing Threats


Einn ljótasti bletturinn á því skipulagi og þeim hugsunarhátti sem strangtrúarríki Múslima fara eftir er gífurleg kvenfyrirlitning, kvennakúgun og réttleysi kvenna sem innsiglað er og réttlætt með lögum. Þetta var hvað mest áberandi í Afganistan á Talibanatímanum. Það er reyndar ekkert nýtt að trúarbrögð og goðsagnir séu notaðar til að staðfesta og réttlæta kúgun, það er einkenni í mörgum trúarbrögðum m.a. hefur hörundslitur verið notaður til að réttlæta kúgun, sjá þessa grein The Darkness of Racism in Muslim Culture sem segir frá hvernig goðsögnin um Ham var og er notuð til að réttlæta þrælahald og kúgun svartra.

Múslimaklerkar í vestrænum ríkjum prédika sumir sams konar skipulag og Sharia lögin. Hér er brot úr ræðu múslimaklerks í Ástralíu:

Every minute in the world a woman is raped, and she has no one to blame but herself, for she has displayed her beauty to the whole world," Sheikh Feiz Muhammad told a packed public meeting in the Bankstown Town Hall last month. "Strapless, backless, sleeveless - they are nothing but satanical. Mini-skirts, tight jeans - all this to tease men and to appeal to (their) carnal nature."
There was pressure on Muslim women to unveil, the sheikh said, and this was because "they want you to be available for their gross, disgusting, filthy abomination! They want you to be a sex symbol!" The woman who wore the hijab was hiding her beauty from the eyes of "lustful, hungry wolves", he said.

Þetta er úr greininni Religious extremists an insult to our values 14. apríl 2005
Dapurlegar fréttir berast núna frá Afganistan. Þar mun lögregla hafa skotið á mótmælendur, sjá BBC pistilinn Four killed in Cartoon protest. Það er líklegt til að það mun valda ennþá meiri róstum í landinu.

Guðlast dagsins er þessi fíni íslenski vefur um guðlast: Guðlast - Glæpur án fórnarlambs

Technorati tags Muhammed cartoons, Muslim cartoon,Danish cartoon, blasphemy

Stungið niður stílvopni



Hér er ein af mörgum myndum sem Dagbladet birti 4. febrúar af danska forsætisráðherranum. og myndin hérna fyrir neðan birtist í International Herald Tribune.


Stríðið á milli austurs og vestur tekur á sig nýja skrípamynd á hverjum degi, það er hart barist og pressan gula, bláa og rauða lýsir fætingnum og framvindunni. Bókstafstrúarmúslimar berjast með eldspýtum og kveikja bál hér og þar, mjög myndrænt og appelsínugult og Danirnir berjast með tússpennum og teikna fleiri skrípamyndir og það toppar nú eiginlega brennurnar. Það veldur auk heldur engum skemmdum á eignum eða áverkum á fólki. Ég held með Dönum, mér finnst skopteikningar flottara vopn en eldspýtur. Svo finnst mér tjáningarfrelsið miklu heilagara en boð og bönn einhvers staðar út í heim á umfjöllun um Múhameð eða Jesú eða Búdda eða hvaða guðsmann sem er. En er gott að það verða ekki kóranabrennur í Kaupmannahöfn, við misstum nóg af bókum þar í brunanum þar á sínum tíma. Ég held líka að það sé stílbrot hjá Dönum að berjast með eldspýtum og kveikja í, látum hina um það. Það er flottara að berjast með pennanum, tússpennanum, vefskrifum, teikningum og röddinni. Reynda sá ég í Politiken að það var svolítið barist með röddum, það var einhver öskurkór sem alveg yfirgnæfði fund hjá einhverri danskri nýnasistagrúbbu sem heitir Dansk Front og það gekk víst bara vel enda trekkti grúbban ekki mikið, bara um þrjátíu manns. En einn viðstaddra var óhress með afskipti lögreglu eftir að hafa dröslast í hasarinn upp í Hillerup sem mér skilst að sé ekki fjörugasta plássið í Kaupmannahöfn, hann sagði: " Er det ytringsfrihed at lade folk stå og råbe i fem timer på en kold parkeringsplads i fucking Hillerød, når der er nazister i byen" en meira um hasarinn má sjá í Masseanholdelser i Hillerød . Svo eru hófsamari múslímar í Danmörku búnir að stofna sinn eigin félagsskap, þeir vilja ekki að þessir trúarhreyfing Múslima sem hingað til hefur talið sig sjálfskipaðan talsmann Múslima í Danmörku tali fyrir þá lengur enda hefur augljóslega verið markmið þeirrar hreyfingar að magna úlfúð fremur en að bera klæði á vopnin (hmmm... hvernig ætli virki að bera klæði á vopn sem eru tússpennar og eldspýtur?). En það var náttúrulega líka tilgangur með birtingu teikninganna að ögra og móðga, það er alveg öruggt og vissulega eru Múslimar í Danmörku móðgaðir en þeir skilja líka að þeir eru hinir stóru taparar í þessu stríði tússpennans og eldspýtunnar.

Það virðist brennuæði hafa runnið á bókstafstrúarmenn í Sýrlandi þegar fréttir bárust með GSM að Danir ætluðu að halda Kóranabrennu á Ráðhústorginu. Þeir brendu niður norrænu sendiráðin.

Um Júðana og lygar þeirra

Fordómar og ofstæki í heilum samfélögum eru ekki eldur sem blossar upp á einni nóttu, það er langt ferli þar sem ótal atvik búa til óvininn. Það er heillandi að skoða líf og samtíma Martin Luther , guðsmannsins sem íslensk ríkistrú er kennd við, guðsmannsins sem skrifaði stóran hluta af öllum ritum sem bárust um Evrópu á tímum þegar prentlistin breyttu landslagi miðlunar, guðsmannsins sem ljáði kóngum réttlætingu og blessun við að sölsa undir sig eignir páfadóms í nafni hins nýja siðar.

Martin Luther gagnrýndi sölu aflátsbréfa í kirkjunni og límdi skrif sín á kirkjudyr og flestir telja að hann hafi líka sent biskupi skrifin. Skrif Martins voru prentuð og hin nýja prenttækni varð til þess að tveim vikum seinna hafði boðskapur hans borist um allt Þýskaland og tveim mánuðum seinna um alla Evrópu.

Martin Luther var merkilegur maður á miklum umbrotatímum og boðskapur hans hafði mikil áhrif - ef til vill vegna þess að hann orðaði það sem margir ráðamenn og menntamenn voru að hugsa á þessum tímum og ef til vill vegna þess að hin nýja miðlunartækni hlaut að brjóta upp og afhjúpa það valdasamfélag sem hann réðist gegn.

Það er erfitt að sópa sumu í ferli Martins Luther undir teppið og teikna upp mynd af honum sem mildum og umburðarlyndum guðsmanni sem barðist fyrir kjörum hinnar hrjáðu og smáðu. Luther var maður kónganna, hinnar veraldlegu yfirstéttar. Hann réðist harkalega gegn bændum og hann réðst harkalega gegn Gyðingum. En harka hans og fordómar gagnvart Gyðingum vaxa með tímanum, árið 1523 þá talar hann um Gyðinga af umburðarlyndi, þetta séu guðsbörn sem beina þurfi rétta veginn. En árið 1543 þá kveður við annan tón þá skrifar hann kver um Júðana og lygar þeirra þar sem hann hvetur til að musteri þeirra séu brennd, trúarrit þeirra tekin af þeim og Gyðingum bannað að iðka trú sína.

Heimsmyndin breytist vissulega á þessu hálfa árþúsundi frá því að orð Luthers bárust fyrst um Evrópu, frá þeim tímum þegar heimskortið breyttist í stjörnukerfið Gutenberg Galaxy og heimsmyndin er líka að breytast í dag. Við lifum á tímum innsprengingar og á tíma þar sem jörðin er að fletjast út, hún er ekki lengur kúla, hvað þá kúla í einhverju sólkerfi himnanna. Hin nýja heimsmynd segir að jörðin sé flöt en ég held að það sé ekki rétt.

Ég held að landakortið fyrir hina nýju heimsmynd hafi ennþá ekki verið teiknað upp. En það verður örugglega ekki kort sem passar fyrir hina gömlu miðla, það verður ekki auðvelt að lýsa því landakorti í hinum tvívíða og þrönga heimi prents og prenthugsunarhátts.

Í stuði með Guði - Jesúdúkkulísur

Þessi skrípamyndasena sem nú er í gangi sýnir líka skrípamynd af mörgum fjölmiðlum okkar og afhjúpar hvað stjórnmálamenn eru lítið færir til að taka á svona deilum. Annars vegar þá magna fjölmiðlar upp deiluna með því að birta okkur mjög einhliða mynd af andstæðingnum, sýna fólk í múslímalöndum sem vitstola æstan múg og hins vegar forðast þeir eins og heitan eldinn að móðga einhverja ákveðna hópa. Mér finnst þessi setning í grein á BBC vera furðuleg:

"Denmark's reputation as an easy-going, consensual nation has been severely tarnished in recent days. All the Danes can do now is hope the repeated apologies for the offence caused, by both the government and the newspaper, will end this unseemly row."

En guðlast dagsins er þessi jesúdúkkulísa Mér finnst þetta yfir strikið og sé alveg að það stuði einhverjar sannkristnar manneskjur. En ég sé ekki að það sé neinn drepinn með því guðlasti eða það sé á neinn hátt hvatt til ofbeldis.

Meira skrípó og guðlast

Mér finnst hún nokkuð góð myndin sem birtist í franska blaðinu af Múhameð og Guði og Búddha og einhverjum guðsmanni sem ég veit ekki hver er, hvorki sýnist mér það Óðinn eða Freyja. Textinn er eitthvað á þá leið það hafi verið gert grín að öllum guðunum á skopmyndum. Það er auðvitað sama sagan, karlveldið í algleymingi, bara karlguðir og engin Freyja en hún hefði prýtt mikið myndina.

En hér er smávegis af guðlasti af Brennunjálssögu:

Hjalti Skeggjason kvað kviðling þenna:
Spari eg eigi goð geyja.
Grey þykir mér Freyja.
Æ mun annað tveggja
Óðinn grey eða Freyja.

Hjalti fór utan um sumarið og Gissur hvíti. En skip Þangbrands braut austur við Búlandsnes og hét skipið Vísundur. Þangbrandur fór allt vestur um sveitir. Steinunn kom í mót honum, móðir Skáld-Refs. Hún boðaði Þangbrandi heiðni og taldi lengi fyrir honum. Þangbrandur þagði meðan hún talaði en talaði lengi eftir og sneri því öllu er hún hafði mælt í villu.
"Hefir þú heyrt það," sagði hún, "er Þór bauð Kristi á hólm og þorði Kristur eigi að berjast við Þór?"
"Heyrt hefi eg," segir Þangbrandur, "að Þór var ekki nema mold og aska ef guð vildi eigi að hann lifði."
"Veist þú," segir hún, "hver brotið hefir skip þitt?"

Skrípóstríðið heldur áfram

Núna hefur franska dagblaðið France Soir gerst svo djarft að prenta Múhammeð skrípamyndirnar og bara það eitt er sérstakrar forsíðufréttar á BBC: France enters Muslim cartoon row sem er eins og allar þessar æsifréttir með myndum af kolbrjáluðum fánabrennandi og/eða öskrandi lýð. Þýska dagblaðið Die Welt hefur líka birt sumar myndirnar. Svolítið skrýtið að það sé frétt í sjálfu sér að birta myndirnar. Allir bloggarar sem eitthvað hafa fyrir að rýna í netumræðuna eru löngu búnir að sjá þessar myndir á fjölmörgum vefsvæðum og margir tengja í þær. Það er alveg útilokað að uppræta þessar myndir og dreifingu þeirra á netmiðlum.

Hér er m.a. Razib Rashedin bloggari í Bangladesh sem virðist vera múslimi að gagnrýna Dani og segir: "Denmark has established itself as the new frontier of Islamic hatred" en hann hefur samt hlaðið myndunum inn hjá sér enda ekki hægt að fjalla um þetta mál af skynsemi nema hafa séð gögn í málinu. Ég hugsa að bloggpistillinn hans Razib endurspegli miklu betur viðhorf fólks í múslimalöndum til skrípamyndamálsins heldur en fánabrennsluæsingamyndirnar sem við sjáum í BBC og hefðbundnu pressunni.

Núna eru öfgamenn í Danmörku að skipuleggja einhverja Kóranbrennu niðri við Ráðhúsið og ef af verður þá munu án efa birtast margar krassandi og litríkar kóranbrennumyndir í dagblöðum og sjónvarpi í múslimalöndum og það verður sú mynd sem almenningur þar fær af viðhorfi Vesturlandabúa til múslímamenningar. Það er örugglega ekki hægt að koma í veg fyrir að fólk brenni fána eða bækur en það er bara afhjúpar hvað grunn fjölmiðlun nútímans er að svona virtustu fjölmiðlar heims skuli gefa okkur svona yfirborðslega sýn á málið.

Besta umfjöllunin er í Wikipedia og þar kom fram að það var markvisst dreift röngum upplýsingum í múslimalöndum um þessar skrípamyndir, ég var búin að sjá á mörgum arabískum vefsvæðum var talað um einhverjar myndir þar sem Múhammed var teiknaður eins og grís og skyldi það ekki því engin mynd er svoleiðis en það kom fram í Wikipedia að það mun hafa verið til þannig mynd en sú mynd var aldrei birt í Jótlandspóstinum.

Konan á krossinum

Wikipedia sýnir enn og aftur hvað það kerfi er gott fyrir bakgrunnsupplýsingar fyrir samtímaatburði. Hér er síðan um Jyllands-Posten Muhammad caricatures

Það er mjög áhugavert að fylgjast með þessu máli, sérstaklega að sjá hvað áhrifamáttur mynda er mikill og hvaða boð og bönn gilda um myndir. Stundum eru þessi boð og bönn fólki ekki sýnileg nema í svona tilvikum eins og þegar tveimur menningarheimum lýstur saman en og hérna.

Hér er myndasafn með ýmsum myndum af Múhamed spámanni gegnum tíðina. Á mörgum virðist andlit spámannsins ekki sjást. Þetta er áhugaverð myndhefð. En ég vona að það takist ekki að setja meiri hömlur en verið hefur á okkar vestrænu myndhefð undir nafni trúar.

Konan á krossinum var í Gaypride á Íslandi 2003 eins og sjá má á þessari mynd:



Þetta atriði sló mig í göngunni, mér fannst þarna vegið að tákni sem er mjög heilagt í augum margra kristinna. Það kom líka á daginn að fleirum fannst það og einn maður skrifaði lesendabréf í Morgunblaðið og Samtökin 78 ætluðu að kæra (hér er það sem ég póstaði á málefnaþræðinum um þetta) en málið snerist um eftirfarandi:

"Þorvaldur Kristinsson, formaður Samtakanna ´78, kærir Einar Ingva Magnússon til lögreglu á grundvelli 233a gr. almennra hegningarlaga þar sem m.a. er kveðið á um fjársektir og fangelsi fyrir að hafa með háði, rógi, smánun og ógnun ráðist opinberlega á mann eða hóp manna vegna kynhneigðar þeirra. Fer kærandi fram á refsikröfu. Grein Einars Ingva nefnist Svívirða og birtist í Morgunblaðinu 12. september 2003."

Í þessu íslenska dæmi þá varð sá sökudólgur sem misbauð að trúartákn sem honum var heilagt væri notað á þennan hátt. Hann skrifaði lesendabréf sem opinberaði fordóma hans gagnvart samkynhneigðum og það varð það eina sem fólk á þessum tíma sá úr þeirri umræðu. Það gleymdist alveg að manninum var misboðið og hann mátti alveg tjá sig um það. Tjáningarfrelsi er líka fyrir ruddalegt fólk sem fylgir ekki því sem okkur finnst vera rétta skoðunin og rétta framsetningin. Ef ég man rétt þá baðst Morgunblaðið afsökunar á þessu lesendabréfi.

Það er áhugavert að danski forsætisráðherrann tjáir sig um teikningarnar. Skyldi hann almennt hafa skoðanir á teikningum og myndum í dönskum dagblöðum? En dönsk stjórnvöld taka þetta mál alvarlega og það virðist full ástæða til, sjá þessa grein Danes face growing Muslim storm bbc 31. jan Ég sá að Íslendingurinn Hjörtur Guðmundsson skrifaði grein á Brussel journal um teikningamálið.

Danska utanríkisráðuneytið varar við hættum sem Dönum á ferðalagi stafa af fuglaflensu og öðrum pestum. Það er líka varað við hættunni á að verða pep í teikningastríði:

Dagbladet Jyllandspostens tegninger af profeten Muhammed har vakt stærke følelser blandt muslimer i en række lande. Udenrigsministeriet råder på denne baggrund danskere, der opholder sig i et muslimsk land, til at udvise ekstra stor agtpågivenhed og i øvrigt følge udviklingen i disse lande nøje via nyhedsmedierne og Udenrigsministeriets hjemmeside.

Konuna á krossinum og teikningarnar af Múhammeð verður að skoða í hvaða samhengi þær birtust í og hver var tilgangurinn með birtingunni. Það eitt að ætla sér að ögra er ekki vont í sjálfu sér og það var örugglega tilgangurinn í báðum þessum tilvikum. Þegar ég horfði á konuna á krossinum í fyrsta skipti þá brá mér, mér fannst þetta afar óviðeigandi í sýningu þar sem var svona karnivalstemming þar sem gengur allt út á að vera í búningum sem vekja sem mesta athygli. En mér finnst reyndar líka hægt að túlka myndina öðruvísi og ég hef kosið að gera það og mér finnst þessi mynd vera tákn fyrir kvennakúgun, svona symbólískt að sýna hver það er sem er kvalinn og píndur. Á sama hátt eru það mín fyrstu viðbrögð við Múhammed teikningunum að skilja ekki hvað það er sem stuðar og verja tjáningarfrelsið. Það kann að vera að einhvern tíma öðlist ég dýpri eða öðru vísi skilning á múslímatrú svo ég skynji hvað það er í teikningunum sem stuðar svona ofboðslega.

Teiknimyndir af Múhameð spámanni

Nú er Jótlandspósturinn búinn að biðjast afsökunar á að hafa dirfst að birta nokkrar teiknimyndir sem gera grín að Múhameð spámanni. Ég sé nú ekki að þessar myndir séu neitt verri en alls konar grín sem við erum vön að gera að Guði og Jesú.

Mig minnir að í Mad blöðunum sem ég las í gamla daga hafi það varið venjan að gera gys að alls konar kristilegu efni, svona eins og þegar Jesú gekk á vatninu. Sviðsetning á því þegar fólk knýr dyra í himnaríki og eitthvað óvænt mætir því er uppspretta margra brandara og kvæða og leikþátta t.d. Gullna hliðsins. En ég er kannski orðin svona ónæm á hverju má gera grín að, ég hef svo lengi tilheyrt þeim 50% mannkynsins sem má hæðast að og niðurlægja á opinberum vettvangi, í fjölmiðlum og á skemmtunum og í samkvæmum hvar og hvenær sem er. Það er oft þannig að frásagnir um kynferðisofbeldi eru dulbúnar sem brandarar.

En múslimar virðast víða taka teiknimyndunum af Múhameð illa, sjá þessa grein Protests Over Muhammad Cartoon Grow og sjálfur Clinton hefur lýst frati á þær en það er núna voða stemming fyrir öllu dönsku á Netinu og Køb dansk-kampagne" i USA.

En hér eru dönsku myndirnar sem lætin voru út af, fólk getur velt fyrir sér hvort það er sammála Clinton. Það má líka nota tækifærið að setja sig inn í menningu múslíma, það er allt annað viðhorf til mynda af fólki þar og sérstaklega mynda af trúarlegu efni. Í bóksalanum í Kabúl þá segir frá því hvernig allar myndir í bókum voru bannaðar á Talíbanatímabilinu í Afganistan, ólæsir Talibanahermenn ruddust inn í bókabúðir og fóru í gegnum bækurnar og þær sem fundust með myndum í voru brenndar. Bóksalinn reyndar límdi bara miða yfir myndirnar og bókin hefst einmitt á því þegar bóksalinn er að losa miðana af.

Hnattrænir straumar í lífi mínu

Stundum er ég ekki viss um að ég búi á Íslandi. Alla vega ekki sama Íslandi og ég ólst upp í . Ef til vill er ég flutt, flutt inn í netheima og inn í hugsun og minningar annarra. Eða hafa útlönd flutt sig til Íslands? Er það blekking að jörðin sé hnöttur?

Um kvöldmatarleytið í fyrradag var ég á fundi. Fundurinn var úti í Kanada og allir á fundinum voru staddir það nema ég´sem tengdist frá Íslandi og svo einn annar sem tengdist frá Japan. Fundurinn fór fram í netheimum, í kerfi sem heitir Illuminate og var á vegum deildar í University of British Columbia í Vancouver og það var Sandy sem ég kynntist í Vancouver sem stýrði fundinum.
Svona leit fundarstaðurinn út:


Hér er stærri mynd af umhverfinu.
Á meðal ég var á Kanada netfundinum hringdi Andrea og svo talaði ég við hana á Skype. Hún fór til Indlands í gær. Í gær fór ég á fyrirlestur hjá RIkk um femínisma í Afríku, það var Magnfríður Júlíusdóttir að tala um staðbundna sérstöðu og hnattræna strauma í Zimbabwe. Eftir fundinn fór ég í líkamsrækt og sund. Á meðan ég synti hugleiddi ég fyrirlesturinn um femínisma í Afríku og hvað Andrea myndi sjá í Indlandi og hlustaði á kliðinn og hjalið og buslið í litlum börnum sem voru með foreldrum sínum í ungbarnasundi í grunnu lauginni.

Svo fór ég í heita pottinn og foreldrarnir komu líka þangað með börnin sín. Þá komst ég að litlu börnin og foreldrar þeirra voru hópur númer níu. Það eru komnir tólf hópar. Foreldrarnir höfðu farið til Kína og sótt börnin sín, allt stúlkubörn sem fædd eru í Kína. Núna eru þær Íslendingar og tala íslensku. Reyndar ekki alveg farnar að tala því þær voru allar svo litlar en þær virðast skilja flest sem við þær er sagt.

Njósnavélin

Hér er myndræma af Sigur Rós að spila lagið Njósnavélin. ég er að prófa hvernig gengur að líma þetta inn í blogger. Ég setti það sem verkefni fyrir nemendur mína að líma inn vídeó í blogg og það virkar ekki hjá þeim. Ekki heldur á einu bloggi sem ég bjó sjálf til. Þetta er mjög undarlegt því þetta hefur virkað alveg á ágætlega hingað til að spila Youtube vídeó í blogger. Vonandi hefur Google sem núna á blogger ekki lært að beita sömu brögðum og Myspace, það er reyndar hart barist um vídeo markaðinn í heiminum og Youtube er eitt flottasta videóklipp kerfið og þykir hafa betur í baráttunni við Google.

Þetta er skrýtið. Þetta virkar ágætlega hjá mér og ég var að skoða erlend blogspot blogg áðan sem eru með youtube videoklipp. Þannig að þetta virkar á sumum blogspot bloggum en virðist vera ritskoðað á öðrum og ekki leyft á öðrum.

Hvað er múgsefjun?

Til að leita svara við því tók ég púlsinn á málverjaumræðunni og skrifaði þar fjóra pistla. Þar hefur mýgrautur þráða verið stofnaður um DV og meint óhæfuverk þess blaðs og eru fyrrum ritstjórar þess uppnefndir Jónas Blóðöxi og Mikael Böðull. En hér eru dæmi um umræðuna á málverjavefnum. Það eitt að voga sér að ljóstra því upp að maður lesi DV kallar á eftirfarandi ádrepu frá málverja:

"Það sem DV hefur verið að gera er að ala á múgsefjun og slá sig til riddara með þessari umfjöllunum sínum. Það eru einmitt þínir líkir sem eru þeirra markhópur í áskriftar- eða lausasölu, fólk sem nærist á kjaftasögum, veit upp á sig skömmina og felur sig bak við "það er verið að opna umræðuna" kjaftæði. Þú og þínir líkir vilja samt ekki sleppa hendinni af daglegri kjaftasögu þó svo allir sem vit hafa á þessum málum, Stígamót, fórnarlömbin, lögfræðingar sem gerþekkja svona mál, ítreki það aftur og aftur að svona kjaftasögu-fréttir eru ekki neinum til góðs, ekki til annars en að fullnægja lægstu hvötum þeirra sem vilja safaríka kjaftasögu."

Svo eru hér nokkur dæmi um DV orðræðuna á málefnavefnum. Orðræðu sem á að vera fordæming á illu umtali:

"En Jónas er greinilega skítleg sál. Minnti mig reyndar ótrúlega mikið á innviði ákveðins Málverja, verð nú bara að segja það! Maðurinn fór eins hárfína línu og hægt var í að kveða loka dóm yfir Gísla heitnum. Hann ýjaði hvað eftir annað að því að Gísli væri sekur ....
Skoðun mín á Jónasi: Jónas er að hreinn rugludallur með hringlandi huga og slappa sál!
Jónas er afffall mannkynsins og það er ömurlegt til þess að hugsa að svona hreinræktaður drullusokkur sé laus. .... Manninum er ekkert heilagt, það kæmi mér í sjálfu sér ekki á óvart að einn góðan veðurdag verði hann fyrir "slysi". Jónas Kristjánsson er bráðgreindur maður en fullkomlega siðblindur (geðvilltur). Það blasir við af skrifum hans um áratugaskeið. Sama má segja um kunnan Austurríkismann sem gat sér orð á fyrri helmingi liðinnar aldar: Adolf Hitler var bráðgreindur maður en fullkomlega siðblindur (geðvilltur). .... Jónas er siðlaus, samviskulaus og með stórmennskubrjálæði á háu stigi..... Khomeni þekkir aðeins til Mikka. Hann kemur mér fyrir sjónir sem er kallað á fræðimáli; Sociopath. Þetta er þýtt á íslensku sem andfélagslegur eða e-ð í þeim dúr. Ef e-r hefur lesið bókina hans um heimsins heimskasta pabba, má skyggnast inn í sjúlklegt sálarástand Mikaels.
Það að hann skuli ritstýra blaði í samfélagi sem hann hatar er eiginlega brandari. Þetta er svipað og þegar sadistar ráðast til vinnu sem fangaverðir eða löggur. það að Mikael hafi snefil af samvisku er því miður vitleysa. hann er sjúkur á sálinni .... Ég ætla ekki að draga orð mín til baka: Jónas Blóðöxi og Mikael Böðull ráku þennan mann út í dauðann. Þeir bókstaflega sendu honum snöruna. Svo nú má Auður grenja samúðartárum vegna Jónasar og Mikka.Þetta eru mannorðsmorðingjar. .... Illgirni blaðsins virðist nánast kerfisbundin; regla en ekki undantekning. Lífið eins og það blasir við í DV er eins og andstyggileg hringekja.
Stefnu ritstjórnarinnar má helst kenna við níhilisma, gapandi tómhyggju, sem væri sök sér að rekast á í skáldsögu eftir ungan höfund eða í dálkum fullorðins pistlahöfundar en dugir ekki sem grundvöllur að blaðaútgáfu.
Sjálfum hefur mér stundum liðið eins og ritstjórn DV séu ofbeldismenn. Það sé hættulegt að eiga samskipti við þá, yrða á þá, láta þá ná augnsambandi. Þá rjúki þeir upp með ofbeldi. (þessi seinasta tilvitnun var í Egil Helgason, annað eru tilvitnanir í nafnleysingja"

Svo hefur þjóðartrúbatorinn Bubbi sett eitt af sínum ljóðum í endurvinnsluna og út kemur ljóð um DV sem endar svona:

Tökum svona kauða
dæmum hann til dauða
forsíðuna auða viljum ekki í dag.

Hvað er sannleikur?
spyr ég
í öllum litum
svara ég
sannleikurinn er meira
en hið prentaða orð
sannleikurinn getur aldrei,
réttlætt vinur aldrei
í hans nafni sé framið morð.

Þetta er múgsefjun.

Hér eru pistlarnir fjórir sem ég skrifaði á málefnin.com um DV-málið

Um grein Egils Helgasonar
Egill lætur hérna berast eins og rótlaust þang með þeim straumi múgæsingar sem nú flæðir um Íslandsála. Ég hef verið lesandi DV árum saman og ég hef ekki orðið vör við þennan nihilisma eða þessa gapandi tómhyggju. Það er fráleitt að dæma alla umræðu í DV af því sem þar er verst gerst. Umfjöllun í DV hefur oft einkennst af alvöruleysi og hressilegum galgopahætti sem á köflum jaðrar við að vera meinlegur fyrir þá sem fyrir því verða en fyndinn fyrir marga sem lesa. Mér hefur á stundum fundist DV skipa sér með þeim hrjáðu og smáðu í samfélagi okkar og segja sögu þeirra. Ég nefni hér t.d. sögu eiturlyfjafíkla í Reykjavík, ég hef fylgst með umræðunni um það og nýlegri umræðu um fólk sem tengist eiturlyfjaheimi sem er að kaupa upp hús á ákveðnum götum í Reykjavík. DV umræðan nýtur ekki sannmælis með þessum orðum Egils.

Um ummæli Kára Jónassonar um Netið
Netið er að taka við hinum hefðbundnu prentfjölmiðlum, Kári áttar sig alveg á því eins og flestir athugulir fjölmiðlamenn. Þetta er ekki spurning um hvort heldur hvenær. Miðað við sömu þróun og er í dag þá er búist við því að síðasti dagblaðslesandinn hendi blaðinu sínu endanlega í pappírsendurvinnslu í apríl 2040.
Sjá þessa grein í Economist future of journalism
Yesterday's papers
Apr 21st 2005
Þar stendur:
In 1995-2003, says the World Association of Newspapers, circulation fell by 5% in America, 3% in Europe and 2% in Japan. In the 1960s, four out of five Americans read a paper every day; today only half do so. Philip Meyer, author of “The Vanishing Newspaper: Saving Journalism in the Information Age” (University of Missouri Press), says that if the trend continues, the last newspaper reader will recycle his final paper copy in April 2040.

Núna er að vaxa upp allt öðruvísi fréttamennska það má nefna blogg og wiki og það má líka nefna fréttaþjónustur eins og www.digg.com ég myndi ráðleggja öllu fjölmiðlafólki að skoða slíkt, það er vísbending um hvernig fréttakerfi allir fara í eftir einhvern tíma - svona fréttakerfi þar sem lesendur koma með fréttirnar og velja hversu mikilvægar fréttir eru.

Um orðræðu Össurar og Marðar

Það er mjög ómaklegt að kalla Össur málverjafífl. Ég get ekki séð neitt athugavert við orðræðu hans. Hún er mjög litrík eins og jafnan hjá Össuri og tiltölulega hófstillt en það er orðræða Össurar ekki alltaf. Ég tek undir með Össuri í báðum þessum pistlum sem þú vitnar í, DV hefur verið litríkasta, líflegasta og ósvífnasta blaðið á Íslandi og þar hafa oft verið frökkustu og hugmyndaríkustu síðurnar. Þess vegna hef ég verið áskrifandi að þessu blaði.

Það breytir hins vegar alls ekki því að mér og öðrum finnst DV hafa oft farið yfir strikið og valdið hugarangri hjá fólki sem á um sárt að binda og forsíðan 10. janúar var reiðarslag. En það breytir ekki fortíðinni og því sem gott hefur verið við DV gegnum tíðina. Það er til of mikils mælst að Össur sem er í framlínu stjórnmála á Íslandi fari að endurtaka einhverja jákvæða umræðu um DV núna þegar múgæsing er í algleymingi, svo miklum að jafnvel alþingismenn ásaka DV um morð.

Mörður Árnason hvatti fólk á blogginu sínu að sýna stillingu og hófsemi í þessu máli en fyrir það eitt er hann úthrópaður hérna á Málefnunum með orðum eins og "Ég vona að Mörður verði ekki kosinn út af þingi næst, þá þarf hann að fara að ganga á líkklæðunum einum fata" og "..mér hefur Mörður aldrei þótt merkilegur pappír. Nú er hann ekki einu sinni skeinipappír."

En ég er sem betur fer ekki að í neinni framlínu stjórnmála á Íslandi svo ég get alveg tjáð mig óhindrað hérna. Ég er bara óbreyttur Framsóknarmaður sem vill vinna að siðbót og jafnrétti í stjórnmálum og þá fyrst og fremst í Framsóknarflokknum, ég er í Framsóknarfélaginu í Reykjavík Norður en frami minn þar hefur verið frekar gloppóttur hingað til Ég get því alveg hætt ærunni og mannorðinu og pólitískri framtíð og segi hátt og snjallt aftur:

DV hefur verið litríkasta, líflegasta og ósvífnasta blaðið á Íslandi og þar hafa oft verið frökkustu og hugmyndaríkustu síðurnar.Takk fyrir DV blaðamenn fyrir það sem þið hafið gott gert á undanförnum árum. Ég ætla ekki að skammast út í ykkur fyrir mistökin, það eru nógir aðrir sem gera það núna.

En svo vil ég benda á stórgóðan pistil eftir einn hjartahlýjasta okkar málverja og þá á ég auðvitað við hana Cecil á Ísafirði sem er frá sömu slóðum og Gísli heitinn og þekkir hann vel og minnist hans af hlýhug.

Það eru allir menn saklausir þangað til sekt þeirra hefur verið úrskurðuð með dómi, þannig er skilningur laganna og það er ágætis viðmiðun fyrir okkur hin að líta líka svoleiðis á málin og átta okkur á því að sá sem er ákærður er í mjög erfiðri og viðkvæmri stöðu.

Um orðræðuna á málefnunum um DV-málið

Þetta er því miður satt. Það er algjör múgsefjun í gangi. Vonandi rennur æðið af fólki eftir einhvern tíma. En það eru strax teikn á lofti um að þetta mál verði til að fram komi menn sem vilja skerða réttindi okkar til að tjá okkur. Það sem er allra skrýtnast og reyndar grátbroslegt að það eru helstu málsvarar einstaklingsfrelsis og fjármagnsfrelsis sem tala fyrir því. Sigurður Kári (þingmaðurinn sem hefur það baráttumál að leyfa okkur að kaupa rauðvín í verslunum og önnur háleit frelsismál) hefur lagt fram eitthvað frumvarp um aukna skaðabótaskyldu í meiðyrðamálum og vitnar í Bretland sem eitthvað fyrirmyndarland þar.

Í Bandaríkjunum er nýbúið að setja lög sem banna orðræðu eins og þá sem er hér á málefnunum þ.e. það má ekki gagnrýna fólk nema undir nafni. Friðhelgi einkalífs og tjáningarfrelsi eru stundum þannig að annað verður að koma ofar. Kannski munu vera þrír hópar á Íslandi í framtíðinni
1) Þeir sem eru svo ríkir og máttugir að þeir kaupa upp fjölmiðla til að tryggja að umræðan um þá sé eins og þeir vilja hafa hana.
2) þeir sem eru svo ríkir og voldugir að þeir geta ráðið lögfræðinga til að fara í mál við alla sem segja eitthvað og fengið dæmdar bætur eftir nýju lögunum hans Sigurðar Kára.
3) þeir sem eru fátækir og valdalausir og mega ekkert segja,
bara þegja.